ഒന്നര വര്ഷം മുന്പു മകനു നാട്ടില് നിന്നും പനിയും ചുമയും പിടിപെട്ടു പീഡിയാട്രീഷനെ കാണിച്ചപ്പോല് paracetamol, amoxicillin എന്നതിന്റെ കൂടെ NIMESULIDE എന്ന ഒരു റ്റാബ്ലെറ്റും എഴുതി തന്നു, രണ്ടു വയസ്സുപോലും തികയാത്ത ബ്രെസ്റ്റ്ഫീഡിങ് എടുക്കുന്ന കുഞ്ഞായതിനാല് ആന്റിബയോട്ടിക് കൊടുക്കുന്നതില് തന്നെ ഞാന് വിമുഖനായിരുന്നു, കൂട്ടത്തില് nimesulide നെ കുറിച്ച് ഗൂഗിളില് സെര്ച്ച് ചെയ്തപ്പോഴാണറിയുന്നത്, ഒരു നിരോധിത മരുന്നാണിതെന്ന്, ഡോക്ടര്ക്കു ഇതേകുറിച്ചു എഴുതണം എന്നുണ്ടായിരുന്നു. പക്ഷെ എഴുതിയിരുന്നില്ല.
ഒരു വര്ഷം മുന്പുണ്ടായ ഈ സംഭവം ഇപ്പോള് ഇവിടെ എഴുതാന് കാരണം, ഇന്നലത്തെ “മാധ്യമം“ ത്തില് ‘നിമുസുലൈഡിനെതിരെ കേന്ദ്രം അന്വേഷണം തുടങ്ങി‘ എന്ന തലക്കെട്ടില് മലപ്പുറം-മഞ്ചേരിയില് നിന്നുമുള്ള, ഇങ്ങിനെ,ഒരു റിപോര്ട്ട് കണ്ടിരുന്നതിനെ തുടന്നാണ്, കരളിനെ നശിപ്പിക്കുന്ന- വൃക്ക രോഗം വരുത്തുന്ന ഭീകരമായ പാര്ശ്വഫലങ്ങളുള്ള ഒരു മാരകമായ മരുന്നാണിത്.
നിമുസുലൈഡിനു , യൂറോപ്പിലടക്കം 168 രാജ്യങ്ങളിലും നിരോധിച്ച ഈ മരുന്നു ഒരിക്കലും അമേരിക്കയില് അംഗീകാരം കൊടുത്തിട്ടില്ല, ഈ മരുന്നു കണ്ടുപിടിച്ച സ്വിറ്റ്സര്ലാന്റിലും നിരോധിച്ചിട്ടുണ്ടായിരുന്നു, ബംഗ്ലദേശില് പോലും കുഞ്ഞുങ്ങളുടെ മരണം റിപോര്ട് ചെയ്തപ്പോള് രണ്ടാമതൊന്നാലോചിക്കാതെ നിരോധിച്ചു.
പക്ഷെ ഇന്ഡ്യയിലെ കുഞ്ഞുങ്ങളും മുതിര്ന്നവരും ഇന്നും ഇതൊരു ഔഷധം തന്നെ, നമ്മുടെ നാട്ടിലും കുഞ്ഞുങ്ങള് മരിച്ചുവീണിട്ടുണ്ട്, ഇപ്പോഴും ഇതിന്റെ പാര്ശ്വഫലം നിശബ്ദമായി അനിഭവിച്ചു നമ്മുടെ കുഞ്ഞുങ്ങള് വേദനിച്ചു മരിച്ചുകോണ്ടിരിക്കുന്നുണ്ടാവണം. എങ്കിലും നമ്മുടെ കാര്യങ്ങളൊന്നും അത്ര വേഗത്തില് തീരുമാനമാകില്ലല്ലോ, കുറെ സമരവും എറിഞ്ഞുടക്കലും തീ കൊളുത്തലും ഒക്കെ വേണ്ടി വരും, . രാജ്യാത്തെ തലമുതിര്ന്ന പീഡിയാട്രീഷന്സ് നിമുസുലൈഡ് നിരോധിക്കാന് ശുപാര്ശ ചെയ്തപ്പോള് രാജ്യത്തെവിടെയും ഈ മരുന്നു കുഴപ്പം സൃഷ്ടിച്ചിട്ടില്ല എന്നാണു നമ്മുടെ ഡ്രഗ് കണ്ട്രോള് വകുപ്പിന്റെ വാദം. എന്നിട്ടാണിപ്പോള് ഇനിയും കേന്ദ്രം പഠിക്കാനിറങ്ങുന്നത്, അങ്ങു ദെല്ഹിയില് തീരാത്തതാണോ, ഇവിടെ മഞ്ചേരിയില് തീരുന്നത്, എനിക്കത്ര ശുഭാപ്തി വിശ്വാസമില്ല.എവിടെയൊക്കെയോ എന്തരോ കുഴപ്പങ്ങളുണ്ട്.?അന്താരാഷ്ട്ര ഫാര്മസ്യൂട്ടിക്കല് കമ്പനികള് നിരോധിത മരുന്നുകള് കൊണ്ടു തള്ളുന്നതു നമ്മുടെ നാട്ടിലാണ് എന്നതു എത്ര ഖേദകരമാണ്. നമ്മള്ക്കൊന്നും ചോദിക്കാനും പറയാനും ആരുമില്ലെ.?
ഇപ്പോള് നാട്ടില് എല്ലായിടത്തും പനി വിടാതെ പിടികൂടുകയാണ് ,കൈക്കുഞ്ഞിനെയും ഒക്കത്തു വെച്ചു ക്യൂ നിന്നു, ഡോക്ടറെ കണ്ടു കിട്ടുന്നത് ഇങ്ങനെയുള്ള ഒരു വിഷ മരുന്നായാല് ? ഡോക്ടേര്സ് ഈ മരുന്നു ഇപ്പോഴും കുഞ്ഞുങ്ങള്ക്കു കുറിച്ചു കൊടുത്തുകൊണ്ടിരിക്കുന്നു, ചികിത്സയിലും മരുന്നിനുമായി കോടികള് ചിലവഴിക്കുന്ന നമ്മുടെ ആരോഗ്യ രംഗത്തു കാണിക്കുന്ന ശുഷ്കാന്തി അന്താരാഷ്ട്രാ മരുന്നു കമ്പനികള് മുതലെടുക്കുകയാണ്.ദേശീയ മരുന്നു സുരക്ഷാ പദ്ധതിയില് ഉള്പ്പെടുത്തിയാണ് നമ്മുടെ നാട്ടിന് പുറങ്ങളില് ഈ മരുന്നു വിറ്റഴിക്കുന്നു എന്നത് ആര്ക്കും ബോധ്യമില്ലെ.?
നാരായണ് വെങ്കിട്ടു എന്ന സുഹൃത്തിന്റെ expression of life എന്ന ബ്ലോഗില് ഞാന് പ്രകടിപ്പിക്കുന്ന അതേ വികാരം പങ്കു വെക്കുന്നു.
ഇവിടെ Times of India യുടെ റിപോര്ട്ടില് ഇങ്ങനെ “India is the only country on the face of this earth where nimesulide is given to children.“
Killer pills: Banned but available ഈ റിപോര്ട്ടും കാണുക,
നിരോധിത മരുന്നുകളുടെ ലിസ്റ്റ് താഴെ കൊടുത്തിരിക്കുന്നു
Drugs that have been globally discarded but are available in Indian markets include:
NimesulidePainkiller, fever
Reason for ban: Liver failure
Brand name: Nise, Nimulid
Analgin It is a painkiller
Reason for ban: Bone marrow depression.
Brand name: Novalgin
CisaprideFor acidity, constipation
Reason for ban: Irregular heartbeat
Brand name: Ciza, Syspride
DroperidolAnti-depressant. Reason for ban : Irregular heartbeat.
Brand name: Droperol
Furazolidone Anti-diarrhoeal
Reason for ban: Cancer
Brand name: Furoxone, Lomofen
NitrofurazoneAnti-bacterial cream
Reason for ban: Cancer
Brand name: Furacin
PhenolphthaleinLaxative
Reason for ban: Cancer
Brand name: Agarol
PheylpropanolamineCold and cough
Reason for ban: stroke
Brand name: D’cold, Vicks Action - 500
Oxyphenbutazone Non-steroidal anti-inflammatory drug
Reason for ban: Bone marrow depression
Brand name : Sioril
PiperazineAnti-worms
Reason for ban: Nerve damage
Brand name: Piperazine
Quiniodochlor Anti-diarrhoeal
Reason for ban: Damage to sight
Brand name: Enteroquinol
എപ്പോഴും കുഞ്ഞുങ്ങള്ക്കു എന്തു മരുന്നുകൊടുക്കുമ്പോഴും രണ്ടാമതൊന്നും കൂടി ഉറപ്പു വരുത്തിയിട്ടു കൊടുക്കുക; നമ്മുടെ സമൂഹം എന്തോ അത്ര സുതാര്യമല്ല പ്രവര്ത്തിക്കുന്നത്. പല വേര്തിരിവുകള്ക്കിടയില് കൊണ്ടും കൊടുത്തും തായ്വേരു തന്നെ അറിയാതെ മുറിച്ചു മാറ്റുകയാണ്, പരസ്പരം ഒരു പ്രതിബദ്ധത കാണിക്കാതെ, എല്ലാം കൊടിയുടെയും നിറത്തിന്റെയും പിന്നാലെയാണ്.
വാല്കഷണം: തലവിരി കൊടുത്തും കൊടുക്കാതെയും, രക്ഷിതാക്കളുടെ താല്പര്യങ്ങള്ക്ക് വേണ്ടി ഡോക്ടര് ആയിപ്പോകേണ്ടി വരുന്ന ഡോക്ടേര്സ് ആതുര സേവന രംഗത്തിറങ്ങുമ്പോള് അവരുടെ പ്രാക്റ്റീസ് നിരീക്ഷിക്കാനും ജനങ്ങളില് നിന്നും അഭിപ്രായങ്ങള് അറിഞ്ഞു എത്രത്തോളം ഫലപ്രദമാകുന്നുവെന്നു അവരുടെ ചികിത്സകള്, എവിടെയൊക്കെ പൊതുജനം ബലിയാടാവുന്നു എന്നു തുടങ്ങിയ കാര്യങ്ങള് മോണിറ്റര് ചെയ്യാന് വിശ്വാസ്യതയുള്ള വിദഗ്ദ സര്കാര് ബോഡിയില്ലാതെ പോയത്; നമ്മുടെ നാട്ടില് പുറങ്ങളില് കോര്പൊരേറ്റ് ഫാര്മസ്യുട്ടിക്കല് കമ്പനികളുടെ എന്തു മരുന്നും നമ്മളില് പരീക്ഷിക്കാനുള്ള കുടിലത വാ തോടാതെ നടപ്പാവുകയാണ്. നമ്മള് വെറും എലികളായി മാറിപ്പോവുന്നു - വെളുത്ത എലികളും കറുത്ത എലികലും പരീക്ഷണ ശാലയില് തുല്യം തന്നെ. ആളു വടിയാകുമ്പോള് ഹോസ്പിറ്റല് തല്ലിപ്പൊളിക്കുന്നതിനേക്കാളും നല്ലതു മുളയിലേ ഇത്തരക്കാരെ നുള്ളിയെറിയുകയാണ്.
14.9.07
Subscribe to:
Post Comments (Atom)
30 comments:
"ഒന്നു വീതം മൂന്നു നേരം ഒരാഴ്ച കഴിച്ചു നോക്ക്’
ബയാന്ജീ...
നല്ല ലേഖനം. ഇതു സത്യം തന്നെ!
ഞെട്ടിക്കുന്ന സത്യങ്ങള്, എല്ലാ കൂടപ്പിറപ്പുകളും ഇതു വായിച്ചെങ്കില്....
നന്ദി ബയാനെ..
ബയാന്...
നല്ല ലേഖനം
Nice post. Thanks my friend.
നല്ല ലേഖനം
“...എപ്പോഴും കുഞ്ഞുങ്ങള്ക്കു എന്തു മരുന്നുകൊടുക്കുമ്പോഴും രണ്ടാമതൊന്നും കൂടി ഉറപ്പു വരുത്തിയിട്ടു കൊടുക്കുക...”
നമുക്ക് ചെയ്യാവുന്ന ഏറ്റവും സാധ്യമായ കാര്യം ഇതു തന്നെ... കാരണം നമ്മള് വെറും എലികളാവുന്നു... നിറവ്യത്യാസമില്ലാത്ത എലികള്!
ലാഭത്തിന്റെ പങ്കും കമ്മീഷനും മാത്രം തേടുന്നവര് വിഷത്തില് ലേബലൊട്ടിച്ച് മൂന്ന് നേരം സേവിക്കാന് പറയാത്തത് അതൊരിക്കല് കഴിച്ചാല് തന്നെ നല്ലൊരു കസ്റ്റമര് നഷ്ടപ്പെടും എന്ന ചിന്ത കൊണ്ടാവാം!
ലേഖനം നന്നായി.
നിരോധിക്കപ്പെട്ട മരുന്നുകളുടെ ലിസ്റ്റിന്റെ പ്രിന്റെടുക്കുന്നു.
വിക്സ് ആക്ഷന് നിരോധിക്കപ്പെട്ടതാണോ? എന്നിട്ടും അതിന്റെ പരസ്യം ടിവിയില് വരുന്നില്ലേ?
മാഷേ നല്ല ഉപകാരപ്രദമായ ലേഖനം.
ശാലിനി : വിക്സില് കര്പൂരം(camphor)യൂകാലി (Eucalyptus oil) എന്നിവ അടങ്ങിയിട്ടുണ്ടു, ഇവ കുഞ്ഞുങ്ങള്ക്കു അത്യന്തം അപകടകരമാണ്, ന്യുബോണിനെ ഇതു മണപ്പിച്ചാല് അപസ്മാര ലക്ഷണം പോലെ വായില് നിന്നു നുരയും പതയും വന്നു, ശ്വാസ തടസ്സവും, മരണത്തിനു വരെ കാരണമായേക്കും. കൂടാതെ Cedarleaf oil,Nutmeg oil,Special petrolatum,
Thymol,Turpentine oil പോലെ യുള്ള മറ്റു കണ്ടെന്റ്സിനെ കുറിച്ചും അറിഞ്ഞിരിക്കുന്നത് നല്ലതാണ്. ബിരിയാണിയുണ്ടാക്കുമ്പോള് ഉപയോഗിക്കുന്ന സുഗന്ധദ്രവ്യങ്ങള് വരെ സ്ത്രീകളിലും ഗര്ഭസ്ഥ ശിശുക്കള്ക്കും അപകടമുണ്ടാക്കിയേക്കും, എന്തിനും ഏതിനും വിക്സ് ഉപയോഗിക്കാം എന്ന ദൃശ്യമാധ്യമമ്പരസ്യങ്ങള് പരസ്യങ്ങളെ കരുതിയിരിക്കുക.
NB: It is very important that Vicks VapoRub is not used on children under the age of six months, as the camphor in it exceeds the recommended dosage for infants. Vicks have 'BabyRub' available for the three months-plus age group, but if your baby is ill it is suggested you seek further advice from your family doctor.
------
the Canadian Paediatric Society (CPS) approached Health Canada with concerns regarding products containing camphor and eucalyptus oils. The concerns raised by the CPS were that easy access to and accidental ingestion of these products by infants and children may result in serious adverse reactions such as seizures.
Very Good effort.
But I think our public -most of those who visit us and ask for their favorite drugs includes "Nimesulide' also. they need better ways of education to at least understand these dangers.
മരുന്നിന്റെ കോര്പ്പറേറ്റ് രാഷ്ട്രീയം ഭീതിദം ആണ് എന്നതിനാല് സത്യവും കള്ളവും ദൈവത്തിനേ അറിയൂ എന്ന അവസ്ഥയിലായി. നിമെസുലൈഡ് (കുട്ടികള്ക്ക് സാധാരണ ഇത് നൈസ് എന്ന പേരില് ആണ് ഇന്ത്യയില് കിട്ടുക) തീര്ച്ചയായും പാര്ശ്വഫലങ്ങളുള്ള മരുന്നാണ്. ഇതേ ക്ലാസില് വരുന്ന മറ്റു നോണ് സ്റ്റീറോയിഡ് ആന്റി ഇന്ഫ്ലമേറ്ററി മരുന്നുകളുമായി (ഉദാ, ബ്രൂഫന് എന്ന പേരില് കിട്ടുന്ന ഐബുപ്രഫന്) തട്ടിച്ചു നോക്കിയാല് കൂടുതലായി പാര്ശ്വഫലങ്ങളുണ്ടോ എന്നത് വിവാദത്തില് കിടന്ന് ഇഴയുകയാണ്, കാരണം ഇതിന്റെ ഒരു ആഗോള പേറ്റന്റ് വേണമെന്നു പറയുന്ന ഇന്ത്യയുടെ ഡോ. റെഡ്ഡീസ് ലാബറട്ടറിയും ആഗോള ഭീമന് അലംബിക്ക് ഫാര്മയും തമ്മില് വക്കീല് വഴിയും പത്രം വഴിയും അടിയും പിടിയും തുടങ്ങിയിട്ട് ആകെ തറയായി കിടക്കുകയാണ്. പനിയും ചുമയുമായി വരുന്ന കുഞിനു നിമുസുലൈഡ് എഴുതി തരുന്ന ഡോക്റ്റര് ഒരുപക്ഷേ അടുത്ത പേഷ്യന്റിനു ബ്രൂഫന് എഴുതി കൊടുത്ത് രണ്ടു രോഗികളില് ആര്ക്കാണു കൂടുതല് പാര്ശ്വഫലം എന്നു പരീക്ഷിക്കുകയാണോ അല്ലയോ എന്ന് കുട്ടിയുടെ അച്ഛനും അമ്മയും എങ്ങനെ അറിയാന്. ഇന്ത്യ പരീക്ഷണാടിസ്ഥാനത്തിലുള്ള മരുന്നു കൊടുപ്പിന്റെ ഏറ്റവും വലിയ വിളനിലങ്ങളില് ഒന്നാണ്. ഈയിടെയായി ഞാന് എന്തു മരുന്നു കിട്ടിയാലും അതിന്റെ ജെനറിക്ക് പേര് മെഡ് ഇന്ഫോയിലോ മറ്റോ കാണാനുണ്ടോ എന്ന് നോക്കാറുണ്ട്.
ശാലിനീ,
വിക്സ് ആക്ഷന് ൫൦൦ എന്ന പേരില് കിട്ടുന്നത് വിക്സ് വേപ്പറബ്ബുമായി ബന്ധമുള്ള മരുന്നല്ല. ഈ ഗുളിക 500mg പാരസെറ്റമോള്, 25 mg PPA, വളരെ ഉയര്ന്ന കഫീന് എന്നിവയുടെ മിശ്രിതം ആണ്. ഇതില് പി പി ഏ ക്ഷണം തലച്ചോറില് രക്തസ്രാവമുണ്ടാക്കിയേക്കാം അതായത് പക്ഷാഘാതത്തിനു കാരണമായേക്കാം. ഈ മരുന്ന് ലോകത്തിലെ ഒട്ടുമിക്ക രാജ്യങ്ങളും നിരോധിച്ചതാണ്. വണ്ണം കുറയ്ക്കാനുള്ള മരുന്ന് എന്ന പേരില് കിട്ടുന്ന ചിലതിലും പി പി ഏ അടങങിയിട്ടുണ്ടെന്ന് എവിടെയോ വായിച്ചു. (വിക്സ് വേപ്പറബ്ബില് സൂക്ഷിക്കേണ്ടത് ബയാന് പറഞ്ഞുഅത് ശ്രദ്ധിച്ചല്ലോ? കുട്ടികള്ക്ക് അങ്ങനെ എന്തെങ്കിലും റബ്ബ് ചെയ്യാന് മാത്രം ശ്വാസതടസ്സം ഉണ്ടെങ്കില് വിക്സ് ഇടാതെ ആശുപത്രയില് കാട്ടുന്നതാണ് ഉചിതം)
തികച്ചും ഉപകാരപ്രദമായ ലേഖനം. കുട്ടികള്ക്കും വലിയവര്ക്കുമുള്ള ഏത് മരുന്നും ഒരല്പം കരുതലോടെ ഉപയോഗിക്കേണ്ടിവരുന്ന അവസ്ഥ നമ്മെ ഏത് കാലഘട്ടത്തിലേക്കാണാവോ എത്തിക്കുക.!?
ആയുര്വേദമരുന്നുകളും വര്ണ്ണാഭമായ പായ്ക്കറ്റുകളിലായതില് പിന്നെ സ്റ്റിറോയ്ഡുകളുടെയും മറ്റും മിശ്രിതമാണെന്നാണ് കേള്ക്കുന്നത്, പുണ്യം നേടാനല്ലല്ലോ, കുത്തക ലാഭമല്ലേ ഫാര്മസികളുടെയും ലക്ഷ്യം.
ആഗോളാടിസ്ഥാനത്തില് നിരോധിക്കപ്പെട്ട മരുന്നുകളുടെ ഒരു ലിസ്റ്റ് -പൂര്ണ്ണമായിട്ടല്ലങ്കില് കൂടിയും - തയ്യാറാക്കാന് ഒരു ശ്രമം നടത്താവുന്നതേയുള്ളൂ.
നല്ല ഉപകാരപ്രദമായ ലേഖനം....
നല്ല ലേഖനം ബയാനേ.
ഇന്ത്യയില് എത്രപേര് ഇതെല്ലാം അറിയുന്നുണ്ട്?
-സുല്
വെറും അഭിപ്രായങ്ങള് രേഖപ്പെടുത്തപ്പെട്ട ഒരു പോസ്റ്റ് എന്നതിലുപരി അലിഫ് പറഞ്ഞ രീതിയിലുള്ള ഒരു ശ്രമത്തിന് കൂടെ തുടക്കമിടാന് ഈ പോസ്റ്റിന് കഴിഞ്ഞാല് അതായിരിക്കും ഈ പോസ്റ്റിന്റെ ഏറ്റവും വലിയ നേട്ടം. പരിപൂര്ണ്ണമല്ലെങ്കില് കൂടി തന്നെ കുറച്ച് പേരേയെങ്കിലും സഹായിക്കാന് അലിഫ് പറഞ്ഞ രീതിയിലുള്ള ഒരു ലിസ്റ്റ് പ്രയോജനപ്പെടും - തീര്ച്ച.
പ്രിയ ബയാന് ,
ഞെട്ടിക്കുന്ന ഈ വിവരങ്ങള് ബ്ലൊഗിലിട്ടതിനു നന്ദി. ഇരിങ്ങല് ലിങ്കു തന്നതുകോണ്ടാണ് ഇപ്പോഴെങ്കിലും ഇതു ശ്രദ്ധയില് പെട്ടത്.
നമ്മുടെ സര്ക്കാര് എന്നു പറയുന്നത് നമ്മുടെ ഡോക്റ്റര്മാരെപ്പോലെത്തന്നെ ബഹുരാഷ്ട്ര കുത്തകകളുടെ കമ്മീഷന് ഏജന്റുമാരാണ്.
ഇതൊക്കെ തിരുത്താന് ജനങ്ങളെ സഹായിക്കേണ്ട കക്കത്തോള്ളായിരം പത്രങ്ങള്
എച്ചിലു നക്കാനായി നടക്കുന്നതുകൊണ്ട് നമ്മുടെ സമൂഹത്തിനു മോചനം വിദൂരമായിരിക്കുന്നു.
പത്രങ്ങള്ക്ക് നാടന് സാംബത്തിക അഴിമതിയും, പെണ്ണുകേസുകളും മാത്രമാണ് ചിന്താവിഷയം തന്നെ. അതിനാല് നമ്മുടെ സമൂഹം നന്നാകാന് ആദ്യം പത്രക്കാരുടെ കൂംബിനിട്ട് ഇടിക്കണം.
അതിനു ശേഷം മാത്രമേ രാഷ്ട്രീയക്കാരേയും,ബഹുരാഷ്ട്ര കുത്തകകളേയും നിയന്ത്രിക്കാന് കഴിയു.
ഇത്തരം വിഷയങ്ങള് പത്രത്തിന്റെ മെയിന് ന്യൂസ് ആയി വന്നാല് പുതിയ ബ്രാന്ഡ് കാറുകളെപ്പറ്റിയും പുതിയ തോട്ടത്തെപ്പറ്റിയും മാത്രം ചിന്തിക്കുന്ന നമ്മുടെ ഡോക്റ്റര്മാരെ ജനം നന്നായി പെരുമാറും... പൊട്ടന് കളിക്കുന്ന രാഷ്ട്രീയക്കര്ക്കെതിരേയും,ഉദ്ദ്യ്യോഗസ്ഥരേയും വഴിനടക്കാന് പറ്റാത്ത സ്ഥിതിവിശേഷത്തിലെത്തിക്കാനും ഇടവരുത്തും.
അതിനായി ബ്ലൊഗില് സത്യം പച്ചയായി എഴുതാന് ചിത്രകാരന് ഏവരോടും അഭ്യര്ത്ഥിക്കുന്നു.
ഇത്തരം മരുന്നു കുറിക്കുന്ന ഡോക്റ്റര്മാരെ ജനംതന്നെ കൈകാര്യം ചെയ്യണം. ആ ഡോക്റ്റര് എഴുതിയ കുറിപ്പും , ഡോക്റ്ററുടെ പേരു വിവരങ്ങളും ബ്ലൊഗ്ഗിലിടുകതന്നെ വേണം . മനുഷ്യന്റെ ആരോഗ്യം പണയപ്പെടുത്തിയുള്ള ദുഷ്ടരുടെ കമ്മീഷന് ബിസിനസ്സ് ജനം തന്നെ അവസാനിപ്പിച്ചുകൊള്ളും.
ഇതിനൊരു പരിഹ്
ബയാനേ..വലരെ വിജ്ഞാനപ്രദം. വായിച്ചിട്ടു പേടിയാകുന്നു. ചിത്രകാരന് പറഞ്ഞതുപോലെ നമ്മുടെ പത്രങ്ങള് സെന്സിറ്റീവ് യൂസ് ലെസ് വാര്ത്തകളുപേക്ഷിച്ച് എന്നാണാവോ ഇത്തരം ജനോപകാരപ്രദമായ വാര്ത്തകള് പ്രസിദ്ധീകരിക്കുക...
ബോഗര്മാരെല്ലാവരും കൂടി ഒരു കൊച്ചുപത്രം അച്ചടിച്ച്, ഒരു പേജായാലും മതി, നാട്ടില് വിതരണം ചെയ്താലോ?
Bayan, nice article.
Till this time I have never looked at the contents of tablets....
thanks for giving some insights..
ബയാനേ നല്ല ലേഖനം .
ബയാന് ഇത് പോലെയുള്ള ഒരു മരുന്ന് 15 ദിവസത്തോളം ഞാന് കഴിച്ചിട്ട്,അത് കഴിഞ് ഒരു ദിവസം ഗള്ഫ് ന്യൂസിലെ മുന് പേജിലുള്ള വെണ്ടയ്ക അക്ഷരത്തിലുള്ള ന്യൂസ് ക്ല്പ്പിങ് കണ്ട് രാവിലെ 7 മണിയ്ക് തന്നെ എന്റെ ലോക്കല് (ഫീസില്ല്യാണ്ടെ ചികിത്സാ സൌകര്യം തരുന്ന) ദേവ ഡോക്ടറെ വിളിച്ച് ഞാന് ആര്ത്ത് വിളിച്ചതാണു. തോള് എല്ലിനു ആര്ത്രെറ്റിസ് എന്നും വിധിയും എഴുതി, ഈ മരുന്നും കഴിച്ചിരുന്ന് ഞാന് വാര്ത്ത കണ്ട് ഞെട്ടി പോയി. ആ മരുന്ന് ഇവിടെ നിരോധിച്ച മരുന്നാണെന്നും, അത് ഒരു വിധേനയും കഴിയ്കരുതെന്നും, ഹൃദയത്തിനു മാരകമായ അസുഖങ്ങള് വരുത്തി വയ്കുമെന്നും ഒക്കെ വാര്ത്തയുണ്ടായിരുന്നു. എന്ത് നിസ്സാരമായാണു ഇത്രേയും വലിയ അപകടകാരിയായ മരുന്ന് ആ അത്രേം പഠിച്ച ഡോക്ടര് കുറിച്ചത്? അതും പ്രത്യേകിച്ച്, ഈ മരുന്ന് നല്കുന്നുവെങ്കില്, രോഗിയോട് ഇതിന്റെ റിസ്ക് പ്രത്യേകം പറഞ് ബോധിപ്പിയ്കണം "patients would have to be informed about the considerable possibility of risk." എന്ന്.
ആ മരുന്നിന്റെ ഭീകരതയേ കുറിച്ച് ഇവിടെ
ഇതൊക്കേയും പൊട്ട, യു.പി,ബിഹാര് എന്നിവിടങ്ങളില് ഒരു ഉപാധികളും ഇല്ലാതെ, ഒരു പരീക്ഷണങ്ങള്ക്കും വിധേയമാക്കാതെ, കണ്ണിക്കണ്ട പൊടിയൊക്കെ കുത്തി നിറച്ച്, വലിയ മരുന്ന് കമ്പനിയുടെ പേരില്, ഡ്യൂപ്ലിക്കേറ്റ് മരുന്ന് വലിയ വലിയ ഫാക്റ്റ്രികള് ഉണ്ടാക്കി വരുന്നുണ്ട്.ഒട്ടും വിദ്യാഭാസമില്ലാത്ത ഇവര്, മരുന്ന് കഴിച്ച് ഉണ്ടാവുന്ന മരണത്തിനു, ഒരു കോടതിയിലും പോവാതെ, മരണം എന്ന് വിധിയ്ക് കീഴടങ്ങുന്നു. കഴിഞ പോളിയോ കാലത്ത്ത്, പോളിയോ കൊടുത്ത് കൊണ്ട് വന്ന ഉടനെ ബീഹാറില്, 20 കുട്ടികളോളം അപ്പോ തന്നെ മരിയ്കുക ഉണ്ടായി. എന്താവും കാരണം? രോഗാണു ബാധയോ?ഈശ്വരാ.. നമ്മുടെ കുഞുങ്ങള്. ഇപ്പോഴും മിക്ക ലോക്ക്കല് ആസ്പത്രികളില്, സ്റ്റെറീലൈസേഷന് ഒന്നും നടക്കുന്നില്ല. അവിടെം ഇവിടെം കൂടി കിടക്കുന്ന മാലിന്യങ്ങള്, അതിന്റെ ഇടയിലു കിടക്കുന്ന രോഗികള്. ഒരാള്ക്ക് കൊടുത്ത സൂചി തന്നെ, എന്നെ കണ്ണ് മുമ്പില് വച്ച്, അതിനെ മുകളില് അല്പം സ്പിരിറ്റ് കോരി ഒഴിച്ച് 1 സെക്കന്റ് കത്തിച്ച്,ആ സൂചി തന്നെ പീന്നീടും കുത്തിയത് എന്റെ കണ്ണ് കൊണ്ട് കണ്ടതാണു. വാച്ച് മാന് വരെ ആണു ചിലപ്പോ രോഗികളെ ചികത്സിയ്ക്കുക. 22ആം നൂറ്റാണ്ട് ശരിയ്കും ഒരു കൊലക്കയറ് പോലെയാവുകയാണു എല്ലാര്ക്കും. മരുന്ന് കഴിച്ചിട്ട് നാളെ വരൂ എന്ന് ഡോക്ടറ് പറഞാല് അപ്പോ കരുതിക്കോണം, നാളേ നമുക്കുണ്ടാവുന്ന പുലിവാലിലൂടെ ഇങ്ങേരു പഠിയ്കാന് നില്ക്കുന്നു എന്ന്.
(ഈയ്യിടെ ആയി, 20 ഓളം പാല് ഉല്പ്പന്നങ്ങള് ഉണ്ടാക്കുന്ന ഫാക്ട്ര്രീ യു.പി യ്യിലു സെര്ച്ച് ചെയ്തപ്പ്പൊഴ്, 100 ശതമാനം ഉല്പന്നങ്ങളും വെറും സിന്തറ്റിക്ക് സാധന്നങ്ങള് കൊണ്ട് ഉണ്ടാക്കിയതാണെന്ന് കണ്ട് പിടിച്ച് കമ്പനി പൂട്ടിച്ചിരിന്നു. ഉത്തരേന്ത്യന് പലഹാരങ്ങളില് ഒഴിവാക്കാന് പറ്റാത്ത കൂട്ടാണു, പാല് കോയ, അതായത് പാല് കട്ടിയാക്കി വറ്റിച്ചത്, ഇത് മുഴുവന് ഒരു കെമിക്കല് കൊബൌണ്ട് മാത്രമായിരുന്നു ആ ഫാക്റ്രികളില്. ഇന്ത്യാ റ്റിവിയില് ഇതിനെ കുറിച്ച് 1 മണിക്കൂര് നേരത്തേ പരിപാടിയുണ്ടായിരുന്നു.)
പണ്ട് കേരള ശാസ്ത്ര സാഹിത്യ പരിഷത്ത് ഈ വിഷയത്തില് പഠനങ്ങള് നടത്തിയിട്ടുണ്ട്. അവര് പുറത്തിറക്കിയ “നിരോധിച്ച മരുന്നുകള്, നിരോധിക്കേണ്ട മരുന്നുകള്“ എന്ന പുസ്തകം വളരെ നല്ല ഒരു റെഫരന്സ് ഗ്രന്ഥമാണ്. ധാരാളം ആളുകള് വാങ്ങിയിരുന്ന പുസ്തകവും ആയിരുന്നു.
വളരെ വിജ്ഞാനപ്രദമായ ലേഖനം. ആരെയെങ്കിലും എവിടെയെങ്കിലും വിശ്വസിച്ചേ പറ്റൂ എന്നൊരു അവസ്ഥ വരുമ്പോള് പിന്നെ എന്ത് ചെയ്യും എന്നതാണ് പ്രശ്നം. ചുരുങ്ങിയത് രണ്ട് ഡോക്ടര്മാരുമായെങ്കിലും ചര്ച്ച ചെയ്യുക, പിന്നെ സാധിക്കുന്നവരെല്ലാം ഇന്റര്നെറ്റ് വഴി മെഡ് ഇന്ഫോയിലോ മറ്റോ പോയി ആ മരുന്നിന്റെ വിവരങ്ങള് ശേഖരിച്ച് അതുമായി ഡോക്ടറോട് സംസാരിക്കുക എന്നതൊക്കെ ചെയ്യാവുന്നതാണെങ്കിലും അതിന് ധാരാളം പരിമിതികളുണ്ട്-നമുക്ക് അത്ര സ്വാതന്ത്ര്യമെടുക്കാവുന്ന ഡോക്ടര്മാരെ കിട്ടുന്നതുള്പ്പടെ. അതുപോലും ഒരു ശാശ്വത പരിഹാരമോ എല്ലാ ജനങ്ങള്ക്കും സാധിക്കുന്ന രീതിയോ അല്ല.
പത്രങ്ങള് ഉത്തരവാദിത്തബോധത്തോടെ ഈ കാര്യങ്ങള് നിര്വ്വഹിച്ചില്ലെങ്കില്, വെറും സെന്സേഷന് വേണ്ടി വാര്ത്തകള് പടച്ച് വിട്ട് ആള്ക്കാരില് അനാവശ്യമായ പേടി ഉണ്ടാക്കുകയും ചെയ്യും. ചെയ്യാന് പറ്റുന്നത് സര്ക്കാരിന് തന്നെയാണെന്ന് തോന്നുന്നു.
മരുന്നിന്റെ പേരെഴുതിയതു കൊണ്ട് താങ്കള്ക്ക് സെര്ച്ച് ചെയ്യാനെങ്കിലും പറ്റി.. എന്നാല് അതല്ല ഭൂരിപക്ഷം പ്രൈവറ്റെ ആശുപത്രികളിലെയും സ്ഥിതി. തിരുവനന്തപുരത്തെ ഒരു പ്രമുഖ ആശുപത്രിയില് തലക്കറക്കം കൊണ്ടു വലഞ്ഞ അമ്മയെ കൊണ്ടുപോകേണ്ടി വന്നപ്പോള് ഒറ്റയടിയ്ക്ക് 24 ഗുളികകളാണ് നല്കിയത്. കൂടെ പ്രമേഹത്തിനുള്ള ഇഞ്ചെക്ഷനും. പാടില്ല എന്നു വിലക്കുന്നതിനു മുന്പ് ചെയ്തു കഴിഞ്ഞു. ഗുളികകളെല്ലാം റാപ്പര് കളഞ്ഞ് ഒരു ക്യൂബിക്കിളില്..ആഹാരം കഴിക്കാതെ കിടക്കുന്ന സ്ത്രീയ്ക്ക് ഇത്രയും ഗുളികകള് കൊടുക്കാമോ എന്നു ചോദിച്ചതിന് തികഞ്ഞ അഹങ്കാരവും പുച്ഛവുമായിരുന്നു മറുപടി.
ഡബ്യ്ലു എച്ച് ഓ സൈറ്റില് മിക്ക നിരോധിക്കപ്പെട്ട മരുന്നുകളുടെയും വിവരം ഉണ്ട്. ലിസ്റ്റ് ആക്കുന്ന ശോലി ആരെങ്കിലും തുടങ്ങിയാല് ഞാനും കൂടാം .
വെള്ളെഴുത്ത്, എന്തു മരുന്ന് കൊടുക്കുന്നു എന്ന് രോഗിയെയോ വേണ്ടപ്പെട്ടവരെയോ ചോദിച്ചാലും അറിയിക്കാതെ ഇരിക്കുന്നതും ചികിത്സയുടെ വിശദവിവരങ്ങള് കുറിച്ചുകൊടുക്കാത്തതും ഉപഭോക്തൃനിയമപ്രകാരം കുറ്റമാണ്. കണ്സ്യൂമര് കോര്ട്ടില് ഒരു പേപ്പര് കൊടുത്താല് പുച്ഛം (പഞ്ചപുച്ഛവും) അടക്കി വിശദവിവരങ്ങള് കൊണ്ടുതരും (ഓഫ്. ഇന്ത്യയില് കണ്സ്യൂമര് കോടതിയില് വരുന്ന കേസുകള് തൊണ്ണൂറ്റഞ്ചു ശതമാനവും ഡോക്റ്റര് വിവരം തരുന്നില്ല, ശ്രദ്ധിക്കുന്നുമില്ല എന്ന തരം ആണെന്ന് ബ്രിട്ടീഷ് മെഡിക്കല് ജേര്ണലില് വന്ന ഈ ന്റര്വ്യൂവില്
http://www.pubmedcentral.nih.gov/articlerender.fcgi?artid=1126183 )
bayan, some one send me a mail .. and there were other drugs in that list.... poor children in India
* mangalishinekkal nallathu english alle?
“ആഗോളാടിസ്ഥാനത്തില് നിരോധിക്കപ്പെട്ട മരുന്നുകളുടെ ഒരു ലിസ്റ്റ് -പൂര്ണ്ണമായിട്ടല്ലങ്കില് കൂടിയും - തയ്യാറാക്കാന് ഒരു ശ്രമം നടത്താവുന്നതേയുള്ളൂ.“ -അലിഫ്
“വെറും അഭിപ്രായങ്ങള് രേഖപ്പെടുത്തപ്പെട്ട ഒരു പോസ്റ്റ് എന്നതിലുപരി അലിഫ് പറഞ്ഞ രീതിയിലുള്ള ഒരു ശ്രമത്തിന് കൂടെ തുടക്കമിടാന് ഈ പോസ്റ്റിന് കഴിഞ്ഞാല് അതായിരിക്കും ഈ പോസ്റ്റിന്റെ ഏറ്റവും വലിയ നേട്ടം. പരിപൂര്ണ്ണമല്ലെങ്കില് കൂടി തന്നെ കുറച്ച് പേരേയെങ്കിലും സഹായിക്കാന് അലിഫ് പറഞ്ഞ രീതിയിലുള്ള ഒരു ലിസ്റ്റ് പ്രയോജനപ്പെടും - തീര്ച്ച.“ - അഗ്രജന്.
“ഡബ്യ്ലു എച്ച് ഓ സൈറ്റില് മിക്ക നിരോധിക്കപ്പെട്ട മരുന്നുകളുടെയും വിവരം ഉണ്ട്. ലിസ്റ്റ് ആക്കുന്ന ജോലി ആരെങ്കിലും തുടങ്ങിയാല് ഞാനും കൂടാം .“ ദേവന്.
പ്രിയ കൂട്ടുകാരെ; ഈ വിഷയത്തില് എനിക്കു വല്യ പരിഞ്ജാനം ഒന്നും ഇല്ലാത്തയാളാണ്, ഞാന് ഒരു വിഷയം നിങ്ങളുടെ ശ്രദ്ധയില് കൊണ്ടു വന്നു, എന്റെ നല്ലൊരു കൂട്ടം കൂട്ടുകാര് “ നല്ല ലേഖനം” എന്നും പറഞ്ഞു തടി ‘കയ്ച്ചിലാക്കി‘, ഈ ചിന്താഗതി തന്നെ യായിരിക്കണം, നമ്മെ ഒന്നുമല്ലാത്തവനാക്കിയത്, നിങ്ങളെയൊന്നും അങ്ങിനെ തടിയൂരാന് ഞാന് സമ്മതിക്കുമെന്നു നിങ്ങള് കരുതുന്നുണ്ടോ, നമ്മുടെ സമൂഹത്തിനോടു, നമ്മള് ജീവിക്കുന്ന ചുറ്റുപാടിനോടു, നിങ്ങളുടെ ഉത്തരവാദിത്തം ആത്മാര്ത്തതയോടെ നിറവേറ്റിയേ പറ്റൂ.ഇല്ലെങ്കില് ശുട്ടിടുവെ :)
അലിഫ് ‘നിര്ദ്ദേശിച്ചു‘ അഗ്രജന് ‘പിന്താങ്ങി‘ നിരോധിത മരുന്നുകളുടെ ലിസ്റ്റും മറ്റു വിവരങ്ങളും നല്കുക എന്ന വിഷയത്തില് “ആയുരാരോഗ്യം” എന്ന ബ്ലോഗ് എഴുതുന്ന ദേവന് മുന്നിട്ടു വരുമെന്നു പ്രതീക്ഷിക്കട്ടെ, “ആയുരാരോഗ്യം” ഇത്തരം വിഷയങ്ങള് മാത്രം കൈകാര്യം ചെയ്യുന്ന ഒരു ബ്ലോഗായതിനാല് അങ്ങിനെ ചെയ്യുന്നതായിരിക്കും കൂടുതല് ശരി എന്നു തോന്നുന്നു, ഈ വിഷയത്തില് കമെന്റിട്ടവരും വായിച്ചുപോയവരുമായ എല്ലാ ബ്ലോഗേര്സും ദേവനെ ഈ കാര്യം തെര്യപ്പെടുത്തി ഇതൊരു സംരഭമാക്കി മുന്നോട്ടുകൊണ്ടുപോവുമെന്നാണു എന്റെ പ്രതീക്ഷ.
സമ്പൂര്ണ്ണ ആരോഗ്യം സ്വപനംകണ്ട നമ്മള് ഇന്നെത്തിനില്ക്കുന്നതു മരുന്നു കമ്പനികളും ഡോക്ടര്മാരും നല്കുന്ന ഭീതിതമായ നാളുകളിലാണ്. ബ്ലോഗു സമൂഹത്തില് നിന്നും നമുക്ക് കുറെയേറെ പ്രതീക്ഷകളുണ്ടായിരിക്കണം. :)
എല്ലാവരോടുമായി നന്ദി പറയുന്നില്ല, അങ്ങിനെ നമ്മള് തമ്മില് നന്ദി പറയേണ്ട ഔപചാരികത നമ്മള് തമ്മില് വേണോ..നമ്മള് തമ്മില് ഒരകലമില്ലല്ലോ. :)
ബയാന് ഉപകാരപ്രദമായ ലേഘനം. മരുന്നുകളില് മാത്രമല്ല ഈ ചതി. അക്ഷരം പഠിച്ച മറ്റാര്ക്കും വായിക്കാന് പറ്റാത്തതരത്തില് മരുന്നുകളുടെ കുറിപ്പുകളെഴുതണമെന്ന് ഡോക്റ്റര്മാര്ക്കെന്താ ഇത്ര നിര്ബന്ധം? ഈ ആധുനിക ലോകത്തിലും അവര് ആരെയാണ് പറ്റിക്കാന് ശ്രമിക്കുന്നത്? നേരേചൊവ്വേ കുറിപ്പടിയെഴുതിയാല് വന് വിലയുള്ള മരുന്നുകള് വിലകൊടുത്ത് വാങ്ങുന്നതിനുമുന്പേ താങ്കള് ചെയ്തതുപോലെ ഗൂഗിളിലോ മറ്റെവിടെയെങ്കിലുമോ നോക്കിയ ശേഷം വാങ്ങാമായിരുന്നു. ചിത്രകാരന് പറഞ്ഞതുപോലെ അപ്പോള് കമ്മീഷന് ബിസിനസ് നടക്കില്ലല്ലോ? ഒരുദാഹരണം(അറിയുന്നവര്ക്ക് ഉപകരിക്കാന് പേരുകള് പറയുന്നു): കായംകുളത്ത് അറിയപ്പെടുന്ന സ്കാന്നിംഗ് സെന്ററായ 'ദേശിംഗ നാട്'ല് തലേദിവസം സ്കാനിംഗ് ബുക്ക് ചെയ്യാന് ചെന്നപ്പോള് ഈ സ്കാനിംഗിന് എത്രയാകും എന്നന്വേഷിച്ചപ്പോള് 800 രൂപയാകുമെന്നുപറഞ്ഞു. എന്നാല് പിറ്റേന്ന് സ്കാനിംഗ് കഴിഞ്ഞപ്പോള് 600രൂപയേതലേന്ന് അതുപറഞ്ഞ കക്ഷി ബില്ല് ഇട്ടിള്ളൂ കാര്യമന്വേഷിച്ചപ്പോള് പറഞ്ഞത്: "ഓ അതോ,കാരണം ഇത് സ്റ്റാറിലെ അഹമ്മദ് ഡോകറ്ററുടെ (ഓച്ചിറ സ്റ്റാര്ഹോസ്പിറ്റല്) പ്രിസ്ക്രിബ്ഷനാണെന്ന് അറിഞ്ഞില്ല. പുള്ളിക്ക് കമ്മീഷനില്ല അതുകൂടി നിങ്ങള്ക്ക് കുറച്ചു".അഹമ്മദ് ഡോക്റ്റര് ഒരു പടച്ചവനെപേടിയുള്ള മനുഷ്യനായതുകൊണ്ട് അദ്ദേഷം കമ്മീഷന് വാങ്ങരുതെന്ന് കുറിപ്പടിയില് തന്നെ എഴുതുമെന്നുകരുതിമറ്റുള്ളവര് അങ്ങനെയാകണമെന്നില്ലല്ലോ. ഇതില്നിന്നും മനസ്സിലായ ഒരു കാര്യം, വേണമെങ്കിലും വേണ്ടെങ്കിലും ഒരു ദിവസം ഇത്തരം പത്തുസ്കാനിംഗ് മാത്രമെഴുതിവിട്ടാല് എങ്ങും തൊടാതെ2000 രൂപ അത് കേരളത്തില് എവിടെ ചെന്നു ചെയ്താലും ഡോക്റ്റര്മാരുടെ കമ്മീഷന് അവരുടെ കീശയിലെത്തും! ഇതിനുവേണ്ടി കയറിയിറങ്ങുന്ന മെഡിക്കല് റപ്പുമാര് നല്കുന്നതാണ് മരുന്നുകളെക്കുറിച്ച് ഇന്ന് പലഡോക്റ്റര്മാരുടേയും(പഠനകാലത്തിനുശേഷമുള്ള) വിജ്ഞാനം. അവര് കൂടുതല് കമ്മീഷനും പാരിതോഷികങ്ങളും ഓഫര് ചെയ്യുന്ന മരുന്നിന്റെ കൂടുതല് കാര്ട്ടണുകള് മരുന്നു മാര്ക്കറ്റുകളില് വിറ്റുപോകുന്നു. വലിയകുഴപ്പമില്ലാതെ ഏതുവ്യാജനുപോലും ചെയ്യാവുന്ന കാര്യം! ബയാന് പറഞ്ഞ ഈ മരുന്ന് താങ്കളുടെ ബ്ലോഗിലോ മാധ്യമം വാര്ത്തയിലോ വരുന്നതിനും മുന്പ് എത്രയോ കുരുന്നുകള്ക്ക് എതൊക്കെയോ ഡോകറ്റര്മാര് സത്യാവസ്ഥപരിഗണിക്കാതെ ഒന്നുകില് അജ്ഞരായി (പലഡോക്റ്റര്മാരും ഇന്നും ഇന്റര്നെറ്റുംകമ്പ്യൂട്ടറുമൊന്നും കണ്ടിട്ടുകൂടെയുണ്ടാകില്ല)നല്കിയിട്ടുണ്ടാകണം?
ഇതെഴുതിയതിന് നന്ദി
ഷാനവാസേ, താങ്കള് കമന്റായിട്ടു പറഞ്ഞ കാര്യം ഒരു പോസ്റ്റായിട്ടു പറഞ്ഞിരുന്നെങ്കില് കുറച്ചു പേര് കൂടി കണ്ടേനെ.
പണ്ടാരാണ്ടോ പറഞ്ഞപോലെ ഒരു രോഗിയെ പറഞ്ഞു വിട്ടിട്ട് അടുത്ത രോഗിയെ വിളിക്കാനുള്ള ആക്രാന്തത്തിൽ ഡോക്ടർ എഴുതുമ്പോൾ കൈയക്ഷരം അങ്ങനെയായിപ്പോകുന്നതാണ്.. ഇതിലിപ്പോൾ ആരെ കുറ്റം പറയാൻ??
Post a Comment